Янги 2025 йилнинг илк сонияларида Олтиариқ тумани марказий шифохонасидаги туғруқ бўлимида ўғил чақалоқ дунёга келди. Туғилган бу чақалоқнинг вазни 3.8 килограмни ташкил қилган. 2025 йилнинг 1 январь соат 00:00да Ў.Қаххорованинг ўз чақалоғини дунёга келтиргани ҳақида туғилганларни қайд этиш китобига ёзилган.
Шунингдек, соат 00:10 да Республика ихтисослаштирилган она ва бола саломатлиги илмий-амалий тиббиёт маркази Фарғона вилоят филиалида 3.1 кг бўлган ўғил фарзанд туғилгани қайд этилди. Айни вақтда чақалоқлар ҳам, унинг оналари ҳам соғлом.
Маълумотларга кўра, 1 январь куни Фарғона вилоятида 244 нафар чақалоқ туғилган.
Янги йил байрами ва дам олиш кунларида тиббиёт муассасалари туну кун ишлади.
